سەبارەت بە ڕادۆ تاک
بەخێربێن بۆ ڕادۆ تاک، پرۆژەیەکی پێشەنگ بۆ کتێبی دەنگی و ناوەڕۆکی پەروەردەیی.
ئەرکی ئێمە بریتییە لە پێشخستنی فێربوون و ئیلهامبەخشین بۆ کنجکاوی و گڕگرتنی خەیاڵەکان لە ڕێگەی هێزی دەنگەوە.
کەش‌وهەوای کۆمەڵایەتی پاش هاتنە ئارای ڕادۆ و تەلەفیزیۆن تووشی گۆڕان هاتووە. ئێستاکە زەینی مرۆڤ هەر لە سەردەمی کۆرپەییەوە لە بەرامبەر پەلاماری زمانانی تردایە. میدیا گشتییەکان و تۆڕە کۆمەڵایەتییەکان چواردەوریان لە مرۆڤ گرتووە، میدیا و تۆڕگەلێک کە بەدەگمەن بە زمانی دایکی ئێمە دەدوێن.
هەر بەو هۆیە پوخت و پاراویی زمان نە تەنیا لە بەرەی نوێ‌دا بەڵکوو لە کەسانی بەساڵاچووش‌دا تووشی قەیران هاتووە. ڕێزمان شێواوە و لەگەڵ لافاوی بێ‌ئەمانی وشەی بیانی بەرەوڕووین. زەینی زمانەوانی تووشی سەرلێشێواوی بووە و بە گشتی چوارچێوەی زمانی دایکیمان کەوتۆتە بەر مەترسیی نەمانەوە
دەنگەکتێب بەر لە گشت شتێک فۆڕمێکە هەوڵ دەدات لە بەرامبەر وەها لافاوێک‌دا یەکپارچەیی زمانی مناڵانی کورد بپارێزێت. گەر کەش‌وهەوای کۆمەڵایەتی بە شێوەیەکە کە مناڵان هەر لە سەردەمی سەلکە و پێچکەییەوە لە بەرامبەر وەها هێرشێکی بێ‌ئەمان‌دان، دەبێ هەوڵ بدرێت شوێنێک بۆ پاراستنی ئەوان یان لانی‌کەم کەم‌ڕەنگ‌کردنەوەی ئەم پڕۆسە خاپوورکەرە دابین بکرێت.
لە لایەکی ترەوە بۆ ئێمەی کورد کە زۆربەی گەلەکەمان هێشتاش ناتوانن بە زمانی دایکی بخوێننەوە و بنووسن، دەنگەکتێب وەک پێویستییەکی حاشاهەڵنەگر دێتە بەر چاو. دەنگەکتێب تەنیا بۆ کەسانی خوێندەوار نییە بەڵکوو بەر لەمە بۆ کەسانێکە کە خوێندن و نووسین بە زمانی دایکی نازانن، مەرج نییە کەسێک کە نەزانێ بە کوردی بنووسێت و بخوێنێتەوە، نەتوانێ لە قسەکردن و بە زمانی دایکی دوانیش بێ‌بەری بکرێت. ئەوان ڕەنگە نەتوانن بخوێننەوە بەڵام دەتوانن زمانی دایکییان ببیستن.
بۆ هەڵبژاردنی کتێبەکان هەوڵ دەدرێت سەرەتی بەو کتێبانە بدرێت کە لە باری زمانییەوە خاوەنی لایەنێکی بەهێزن و چوارچێوەی زمانی کوردی بە شێوەیەکی بەرچاو تێیان‌دا خۆی نیشان دەدات. ئەم کتێبانە نووسراوەی کەسانی جیددی ئەدەبیاتی کوردین و قەڵەمەکەیان پارێزەری میراتی زمانی دایکییە. بەردەنگ بە بیستنی ئەم کتێبانە لەگەڵ وشە ڕەسەنەکان و پێکهاتەی ڕستەی کوردی و ئیدیۆمەکان ئاشنا دەبێت و لە زەینی‌دا دەمێنێتەوە و پاش ماوەیەک توانای ئەوەی دەبێت کە بیر و هزر و هەستی خۆی بە زمانی دایکی دەربڕێت و ناچار نەبێت دەس‌بەداوێنی زمانەکانی تر بێت.
شوناس بە شێوەیەکی زەق و بەرچاو لە ڕێگەی زمانەوە خۆی نیشان دەدات. ئێستاکە ڕەنگە بۆ هەمووان نەگونجێت فێری خوێندن و نووسین بە زمانی کوردی بن بەڵام پێمان‌وایە بۆ هەمووان دەلوێت لانی‌کەم گوێ بدەنە زمانی کوردی. ئەمە فەلسەفەی کاری رادیو تاکە بۆ دەس‌پێ‌کردنی وەها پڕۆژەیەک.
دەربارەی ڕادۆ تاک:
ئەرکی ئێمە بریتییە لە پێشخستنی فێربوون و ئیلهامبەخشین بە کۆنجکوڵی و گڕگرتنی خەیاڵەکان لە ڕێگەی هێزی دەنگەوە.
لە ڕادۆ تاک پێمان‌وایە کە زانیاری دەبێت بۆ هەمووان لە بەر دەست بێت. هەوڵمان ئەوەیە کە کۆمەڵەیەکی دینامیک و هەمەچەشن لە کتێبی دەنگی لە ئەدەب و مێژووەوە بگرە تا زانست و گەشەپێدانی تاکەکەسی ئاراستە بکەین. کتێبەکان بە شێوەیەکی وردبینانە بۆ هەموو جۆرە تەمەنێک و بۆ پەروەردەکردنی گوێگران هەڵدەبژێردرێن.
ئێمە بڕوامان بە فێرکاریی بنەمایی لە ڕێگەی دەنگەکتێبەوە هەیە. جا تۆ فێرخوازێکی بەردەوام بیت، خوێندکار بیت، یان تەنیا بە دوای تێپەڕکردنی کاتەوە بیت، کتێبە دەنگییەکانمان ڕێگەیەکی گونجاو بۆ هەڵمژینی زانیاری و چێژوەرگرتن لە ناوەڕۆکە سەرنج‌ڕاکێشەکان دابین دەکەن. بە نەرمیی دەنگ، دەتوانیت خۆت نوقم بکەیت لە جیهانی ئەدەب‌دا یان بە دوای چەمکە نوێیەکان‌دا بچیت لە پیاسەکردن‌دا، لە ماڵەوە، یان لە کاتی ڕووتینی ڕۆژانەدا.
خاڵی جیاوازی ڕادۆ تاک بریتییە لە پابەندبوونمان بە بەرهەم‌هێنانی دەنگەکتێب‌گەلێک کە لە باری ناوەرۆکەوە پڕمانا و لە باری کوالیتەی دەنگەوە لە ئاستێکی بەرزدان. ئێمە لەگەڵ تیمێکی وەگێڕی بەئەزموون و ئەکتەری دەنگ و ئەندازیاری دەنگ کار دەکەین بۆ ئەوەی دڵنیا بین لەوەی کە هەر بەرهەمێکی تۆمارکراوی دەنگی، بەرهەمێکی بێ‌کێشە و بێ‌گرێ‌وگۆڵە. پابەندبوونمان بۆ باش‌ترکردنی بەرهەم‌هێنانی دەنگی، ڕێگەمان پێ دەدات چیرۆکەکان زیندوو کەینەوە و بابەتی کتێبەکان بە شێوەیەک بگێڕینەوە کە گوێگرانمان چێژی لێ وەرگرن.
ئێمە هەروەها لە بایەخی گشتگیری و دەست‌پێ‌ڕاگەیشتن ئاگادارین. پڕۆژەکەمان وەک سەرچاوەیەکی بەنرخ بۆ کۆمەڵگەی نەخوێندەوار کار دەکات، ئامرازێکی بەدیل بۆ دەست‌پێ‌ڕاگەیشتن بە کتێب و کەرەستەی پەروەردەیی پێشکەش دەکات. بە دابین‌کردنی کتێبی دەنگی، هەوڵ دەدەین بۆ پڕکردنەوەی بۆشاییەکە و دروست‌کردنی ژینگەیەکی فێرکاریی گشتگیرتر بۆ هەمووان.
لە دەرەوەی کتێبخانەی بەرفراوانی کتێبی دەنگیمان، ڕادۆ تاک لەگەڵ نووسەران، پەروەردەکاران و بەرهەم‌هێنەرانی ناوەرۆک هاوکاری دەکات بۆ بەرهەم‌هێنانی ناوەرۆکی پەروەردەیی ڕەسەن. ئێمە باوەڕمان بە هێزی هاوبەش‌کردنی زانیاری هەیە و بەردەوام هەوڵ دەدەین پێشکەش‌کردنەکانمان فراوان‌تر بکەینەوە، سەکۆیەک بۆ پسپۆڕان دابین دەکەین بۆ ئەوەی بەردەنگەکانیان لە تێڕوانین و شارەزاییەکانی خۆیان ئاگادار بکەنەوە .
لەگەڵمان بن لە گەشتی فێربوون و گەڕان‌دا . خۆت بخزێنە ناو کۆمەڵە کتێبەدەنگییەکانمان کە هەمیشە لە گەشەکردن‌دان و جیهانێک لە زانیاری و کات بەسەربردن بدۆزەوە. بە دوای فراوان‌کردنی ئاسۆکانت‌دا بیت یان سووتەمەنی بۆ خەیاڵەکانت، یان وەدەست‌هێنانی تێگەیشتنێکی نوێ، ڕادۆ تاک لە هەوڵەکانت بۆ گەشەکردنی تاکەکەسی و فیکری یارمەتی‌دەرت دەبێتبەخێربێن بۆ ڕادۆ تاک ، پرۆژەیەکی پێشەنگ بۆ کتێبی دەنگی و ناوەڕۆکی پەروەردەیی.
ئەرکی ئێمە بریتییە لە پێشخستنی فێربوون و ئیلهامبەخشین بۆ کنجکاوی و گڕگرتنی خەیاڵەکان لە ڕێگەی هێزی دەنگەوە.
